Sisindiran : Urang sunda resep sisindiran

Sisindiran Silihasih

Kamari mah dagang samping

Ayeuna mah dagang sandal

Haturan wilujeng sumping

Ka baraya anu enggal

Manuk japati na kurung

Diparaban diawuran

Akang sieun nyai pundung

Saminggu teu diapelan

Meser kaen sareng samping

Kaena nu motif kembang

Sanajan akang teu sumping

Poma nyai ulah bingbang

Poe saptu malem minggu

Jalan-jalan dina tangga

Poma nyai akang tunggu

Akang teh jalmi satia

Abdi ningali ti tonggoh

Nu katingal palimanan

Lamun enya nyai bogoh

Hayu urang ka pelaminan

Ka kebon rek ngala salak

Ngalana kudu di sodet

Kade nyai ulah nolak

bisi kena dukun pelet