Sisindiran Urang Sunda Euy

Sisindiran Silihasih

 

Ceu Kuri indung neng wiwin

unggal poe dagang toge

Geus teu kuat hayang kawin

kajeun jeung nyi randa oge

 

Mang kimin nuju ngaronda

Unggal poe tara telat

Geuning itu aya randa

Randa bengsrat anyar pegat

 

Tina taktak kana dada

Laun-laun kanu legok

Kuring hayang ka nyi randa

Ka nyi randa anu denok

 

Sisindiran Heureuy

Rek nguseup lauk ka leuwi

Dileuwina loba areuy

Haturan sadaya wargi

Sisindiran bari hereuy

 

Pang ngenahna semur jengkol

Komo mun jeung pais peda

Naon itu nu ngajendol

Singhoreng teh kanjut kuda..

Ha…ha…ha…

 

Sapu nyere pegat simpay

Paturay patepang deui

Lalaki anu sok lebay

Hayangeun digegel kunti

 

Sisindiran Nasihat

Kamana jalan Talaga

Kaditu kapalih wetan

Kamana jalan ka surga

Kaditu kapangaosan

 

Abdi gaduh wadah hiji

Hanjakal dianggo sambel

Abdi hoyong naek haji

Hanjakal can aya bekel

 

Ka leuweung rek ngala huma

Pare huma pare jangkung

Awewe jaman ayeuna

Ka luar tara ditiung

 

Sunda kuring sunda anjeun

Sunda ngancik dina diri

Akhlak goreng geura piceun

Bisi malindes ka diri